2024: Serie Patrimoniu de la Unesco: Sodai

 

Semeya: collectorcoin

Motivu conmemorativu: Patrimoniu Inmaterial de la Unesco: Sodais, xardinos de paya lituanos

Volume d’emisión: 500.000         Fecha d’emisión: 25 setiembre

    Sodai, en lituano, quier decir xardín y los más populares del país son los “xardinos de paya”, que nun tienen un res que ver colo que mos imaxinamos. En realidá son construcciones xeométriques tridimensionales, simétriques y de complexa fechura. D’orixe ancestral y precristianu, yeren emplegaos de mou ceremonial en dellos rituales cotidianos de la vida rural letona como los solsticios d’iviernu (güei, pela Navidá) o los casorios. El material emplegáu yeren los tallos de los cereales, principalmente centenu y filu. Como talismán, va asociáu a la bona fortuna  y prosperidá del llar y la so incuestionable simetría, una represntación del equilibriu ente les fuercies de la natura. Tres la so cristianización, ye emplegáu en festividaes como la Pascua o la Navidá, anque anguañu la so pervivencia débese principalmente al esmolecimientu del pueblu lituanu por recuperar vieyes tradiciones identitaries, bien como conexón cola natura o como meros elementos decorativos. El casu ye qu’esta tradición forma parte del club del Patrimoniu inmaterial de la humanidá de la UNESCO dende’l 2023.

 

Sodai. Semeya © Lithuanian National Culture Centre, Archive, 2021

     Letonia tamién sacó esti mesmu añu una moneda de dos euros dedicada a esta tradición nórdica, conocía ellí col nome de Puzuri.

 

     Nel intre apaez un xardín de paya o sodai con formes xeométriques. Riba, el nome del país emisor LIETUVA col añu d’emisión y la marca de la ceca.  El diseñu ye obra de Tomas Dragūnas.

     Nel aniellu esterior, les doce estrelles de la Xunión europea.

 

     Fontes: UNESCO: Fabricación de sodai, adornos decorativos de paja, en Lituania (castellán)

                  Numismática visual (castellán)