2020: Xuan Pablu II

 

Semeya: collectorcoin

Motivu conmemorativu: Centenariu del nacimientu de Xuan Pablu II 

Tirada: 101.000           Fecha d’emisión: Mayu

     Karol Józef Wojtyła  (1920-2005). Primer papa polacu de la hestoria (y el primeru non italianu dende 1523) sol nome de Xuan Pablu II (en llatín: Ioannes Paulus II). Foi’l 264 papa de la Ilesia Católica dende 1978 hasta la so muerte en 2005, siendo un de los pontificaos más llongos, 27 años, tres los de San Pedru y Píu IX. Ta consideráu ún de los líderes más influyentes del sieglu XX. Lluchador anticomunista, combatió dientro de la mesma ilesia al movimientu americanu conocíu col nome de Teoloxía de la Lliberación. Per otru llau, fexo llabor tamién p’ameyorar les rellaiciones con otres confesiones relixoses. Sufrió 2 atentaos, el primeru d’un musulmán na Plaza San Pedru del Vaticanu; el segundu d’un sacerdote ultraconservador en Fátima. Ostenta tamién los “records” de papa más viaxeru y el que más persones beatificó y canonizó. Elli mesmu, foi beatificáu pol so sucesor  Benedictu XVI y caberamente canonizáu pol siguiente papa, Xicu I.

     Nel intre la moneda aparez el retratu del papa Xuan Pablu II xuntu a dos edificios, la basílica de Wadowice, onde foi bautizáu y la so casa nacencia, que taba al llau d’ella. Lo que paez una estrella, en realidá quier asemeyar a un amestáu ente estrella y sol eclipsáu… desplícome: vese una estrella d’ochu puntes que ye’l símbolu de la virxe María y de la qu’esti papa yera perdevotu; per otru llau representa al Sol parcialmente eclipsáu (les raspies) ya que al parecer ta verificao que tanto’l so día de nacencia, como nel del so funeral, hebo un eclipse solar. La cañina lloréu fai referencia a la gloria los santos y la Vitoria. Alredor del diseñu, apaecen el nome del homenaxeáu PAPA GIOVANNI PAOLO II, los años 1920 2020 (esti últimu ye tamién l’añu d’acuñación) y el nome del país emisor CITTA’ DEL VATICANO. Xunto a los años ta la marca de la ceca de roma R y so la basílica, apaecen el nome de la diseñadora Gabriela Tiotto, G. TITOTTO y les iniciales de la grabadora Maria Angela Cassol, M.A.C. INC.

      Nel aniellu esterior les doce estrelles de la Xunión europea.

     Fontes: Wikipedia. Xuan Pablu II

                   Numismática digital (castellán)

                   Boletín Oficial de la XE a traviés d’eurocoin (castellán)