 |
|
Semeya: collectorcoin |
Motivu conmemorativu: 730 Aniversariu de la fundación de la Universidá de Coimbra
Tirada: 360.000 Fecha d’emisión: 1u setiembre
Nel añu 1290 el rei Dinis I de Portugal robló’l documentu Scientiae thesaurus mirabilis cola fin d’instituir unos Estudios Xenerales y pidiéndo-y al papa Nicolás IV la so confirmación. La bula papal De statu regni Portugaliae aceuta estos estudios conformaos poles facultaes d’Artes, Drechu Canónicu, Drechu Civil y Medicina, calteniendo la de Teoloxía nos conventos dominicos y franciscanos. El so Campus históricu data del sieglu XVIII, una remodelación fondera fecha por orde del marqués de Pombal y que foi incluyíu pola UNESCO na so llista de Patrimonios de la Humanidá nel añu 2013
Nel intre la moneda aparez la típica torre del reló del edificiu históricu asina como dellos triángulos a mou de representación de los teyaos de los edificios universitarios (el de más altor representa la Biblioteca de Joanina). Entemediu, la lleenda UNIVERSIDADE DE COIMBRA 730 ANOS y baxo, el nome del país emisor y l’añu emisión PORTUGAL 2020. A mandrecha, al llau les estrelles, aparez el nome del diseñador y la marca de la ceca, Esc. J.J. BRITO (Escultor José João de Brito)-CASA DA MOEDA
Nel aniellu esterior les doce estrelles de la Xunión Europea.
Fontes: Wikipedia. Universidad de Coimbra (castellán)
Numismática visual (castellán)
No hay comentarios:
Publicar un comentario