 |
|
Semeya: Numismaticavisual
|
Motivu conmemorativu: 30Aniversariu de la cayía de la
Muria de Berlín
Volume d’emisión: 10.000.000 Fecha
d’emisión: 15 d’ochobre
Tres la Segunda Guerra Mundial la ciudá de
berlín foi dixebrada en cuatro estayes controlada ca una poles potencies
vencedores. Les tensiones polítiqes ente la Xunión Soviética y los Estaos
Xuníos, conocíu'l conflictu col nomatu de Guerra Fría, fexo que los soviéticos
entamaren a fabricar, de sutruque ya ensi avisu, una muria que separare la so
zona berlinesa del restu la ciudá. Esta quiebra vergoñosa en plenu coral
d'Europa entamó a construyíse en 1961 y nun paró de perfeccionase práuticamente
hasta la fecha del so esbarrumbe en 1989.
Esti añu conmemórense los 30 años del
esbarrumbe de la muria Berlín y Francia fai un diseñu que lluéu va tener que
compartir con Alemaña.
Nel intre aparez la muria con una abertura
per onde salen unes palombes de la paz y milenta manes que fain referencia a
los ciudadanos de los dambos dos llaos de Berlín. Al fondu vese la Puerte
Brandemburgu, símbolu de la ciudá y que n’aquellos prietos años taba escondía
pal llau de la RDA. A manzorga lleese la lleenda 30 ANS DE LA CHUTE DU MUR DE
BERLIN (francés) 30 JAHRE MAUERFALL (alemán) “30 años de la cayía de la muria”.
L’añu emisión 2019 aparez abaxo coles marques identificatives de la ceca y el
so direutor. A mandrecha aparecen le sigles identificatives del país emisor, RF,
y nuna de les manes d’al llau vese la marca del diseñador Joaquin Jimenez.
Nel aniellu
esterior, les doce estrelles de la Xunión europea.
Fonte:
Wikipedia. La Muria Berlín.
Numismáticavisual (castellán)
No hay comentarios:
Publicar un comentario