2018: Jardim Botânico da Ajuda

Semeya: Eurocoinland

Motivu conmemorativu: 250 Aniversariu del Jardim Botânico da Ajuda

Tirada: 520.000           Fecha d’emisión: Xunetu

     El Jardim Botânico da Ajuda asitiase bien cerca de Lisboa. El so orixe hai que fincalu nel gran terremoto y maremotu qu’arrasó la capital portuguesa allá pel 1755. El Marqués del Pombal, como xeniu direutor de la reconstrucción de la ciudá tres el desastre, mandó construyir tamién una serie palacios nos terrenos d’Ajuda p’acomodar tanto a la familia real como a los Ministerios. El propiu rei, Dom José I, mercó una finca al llau del Palaciu Real provisional pa facer un güertu con frutes y verdures p’abastecer la cocina. En 1765 Domenico Vandelli diseñó el que diba ser el primer xardín botánicu del país nesa güerta y, en 1768, ya tenía unos simétricos xardinos de clara influyencia francesa ya italiana. Abiertos al públicu en tiempos del rei Dom João VI, recibió una bayura especies esótiques trayíes polos gobernadores de les antígües colonies. El xardín tamién cuenta con un Arboretum con árboles tropicales, nel que destaca un Drago de Madeira con 400 años. Anguañu ocupa un tarrén de 35.000 m².

     Nel intre aparez el Drago. Na so base, el nome del diseñador J. Fazenda y la marca de la ceca de Lisboa INCM. Alredor, la lleenda 250 ANOS JARDIM BOTANICO DA AJUDA, el nome del país emisor PORTUGAL y l’añu d’acuñación 2018.

     Nel aniellu esterior les doce estrelles de la Xunión Europea.

     Fontes: Coin Collection Market. “Monedas 2 Euros conmemorativas Portugal 2018”. Por Fahani el 03-Xunetu-2018 (castellán)

     Wikipedia. Jardín Botánico de Ajuda (castellán)

                       Jardim Botânico da Ajuda (portugués)