2018: Imprensa Nacional

Semeya: Eurocoinland

Motivu conmemorativu: 250 Aniversariu de la Impresa Nacional

Tirada: 520.000           Fecha d’emisión: Xunetu

     Nacida’l 24 d’avientu de 1768 col nome d’ Impressão Régia, pasó a nomase Impresa Nacional en 1883 y tres delles xuntances, finó nomándose Imprensa Nacional e da Casa da Moeda (INCM), o seya, la ceca portuguesa (emplegandu esta pallabrina d’orixe árabe que bien nos aforra toos estos nomes tan llargos pa falar de les cases de la moneda). La so sée y fábrica tan asitiaes en Lisboa. De magar que ta fecha de mou cenciellu, les lletres y númberos impresos fain un chisgu al mou d’imprimir per aquel sieglu XVIII.

Aparte monedes, la Impresa Nacional tamién publica el Diariu Oficial Portugués (el BOPA y el BOE pa nos) asina como llibros d’estremáu valor cultural, asina como otres actividades culturales.

     Nel intre aparez una lleenda con reminiscencies pasaes 1768-2018 IMPRENSA NACIONAL DUZENTOS E CINQUENTA 250 ANOS PORTUGAL MMXVIII onde se ven los años de la cellebración, l’alusión a la ceca, los años cumplíos en pallabres de la época y en númberu, el nome del país emisor y l’añu acuñación en númberos romanos. Les rayes ente ringlones asemeyen los zócalos de les vieyes imprentes. No baxo, aparez el nome del diseñador Eduardo Aires y la marca de la ceca INCM.

     Nel aniellu esterior les doce estrelles de la Xunión Europea.

     Fonte: Coin Collection Market. “Monedas 2 Euros conmemorativas Portugal 2018”. Por Fahani el 03-Xunetu-2018 (castellán)