11/11/26

2025: Declaración Schuman

 

Semeya: numismática visual


Motivu conmemorativu: 75 Aniversariu de la Declaración Schumam

Tirada: 136.000           Fecha d’emisión: 5 mayu

 

     El 9 de mayu de 1950, el Ministru d’Asuntos Esteriores de Francia, Robert Schuman, pronuncia un discursu nel que propón una Europa xunida pol bien de la Paz mundial. El proyeutu naz del llabor de Jean Monet, comisariu xeneral del plan de modernización y equipamientu del Gobiernu francés y un seleutu equipu de trabayu. El plan basose na necesidá d’una xuntanza franco-alemana y aprovechar asina el so potencial conxuntu alrodiu del aceru y el carbón, controlao too ello por una Alta Autoridá con dellos poderes supranacionales. La idega foi bien acoyida tamién n’Alemaña pol so canciller Konrad Adenauer y recibió’l vistu bonu de les principales potencies aliaes occidentales. En 1951 róblase’l Tratáu de París y naz la CECA (Comunidá Europea del Carbón y del Aceru) a la que tamién se xuntaríen Bélxica, Italia, Luxemburgu y Países Baxos.

     La Declaración Schuman ta reconocía pola Xunión europea como l’embrión de nacencia de so; por ello, na cumal de Milán de 1985, aprévase’l día 9 de mayu como Día d’Europa.

     Nel intre la moneda apaez una mano escribiente con una pluma fecha d’una cañina d’olivu cuyes fueyes van tresformándose en palombes y estrelles  y col monograma del gran duque Henri coronáu al so llau. Riba, un gran 75 conformando la lleenda DÉCLARATION SCHUMAN 09.05.1950. De llau, a mandrecha, el nome del país emisor LËTZEBUERG y l’añu emisión 2025 y les marques de la ceca y marques personales del direutor o grabaor. Baxo la man, la marca de la diseñadora Chiara Principe.

 

Fontes: Numismática visual (castellán)

             Wikipedia: Declaración Schuman (castellán).

             Numista.es. 2 euro 2025. Declaración Schuman, clásica, holograma o color.

 


No hay comentarios:

Publicar un comentario