![]() |
|
Semeya: collectorcoin |
Motivu conmemorativu: Serie especies autóctones malteses: el güé (Il-Ġendus Malti)
Tirada: 145.000 Fecha d’emisión: Xunu
El güé maltés (Il-Ġendus Malti, en llingua maltesa) va lligáu intrínsecamente al desarrullu agrícola de la islla, pues la so principal función yera la d’animal de trabayu y non alimenticia. Nun se sabe realmente l’orixe d’esti bóbidu y la so primer mención escrita data del 1240. Xenéticamente, anda emparentáu con races norteafricanes y posteriores mestaxes con races del sur d’Europa. Altu, robustu, dócil y de gran resistencia a les altes temperaturas braniegues del archipiélagu, faen d’elli un exemplar ideal pa les llabores agraries, dende l’aráu de les arcilloses tierres malteses al tiru de maera y piedres llabraes pa la construcción. Cola llegada del sieglu XX llega tamién el so declive, la introducción de maquinaria y el so amestamientu con otres races foriates, cola fin, agora sí, d’emplegalu como alimentu, fixeron que pocu a pocu la raza pura se fuere adulterando. El caberu güé maltés foi sacrificáu en 1990. Anguañu, delles asociaciones trabayen pa recuperar la especie cubriendo vaques italianes de la raza Chianina con semen crioxenizao de güé autóctonu. Los ente 20 y 50 gües recuperaos, caltienen una pureza xenética del 97,5 %. La raza catalógase oficialmente en peligru críticu d’estinción.
Nel intre la moneda, apaez un güé maltés, enriba, el so nome na llingua autóctona, IL-ĠENDUS MALTI. No baxo, el nome del país emisor y l’añu d’acuñación MALTA 2025. Abaxo, apaecen les iniciales de la diseñadora y grabadora Maria Anna Frisone (MF).
Nel aniellu esterior les doce estrelles de la Xunión Europea.
Fontes: IA de Google

No hay comentarios:
Publicar un comentario