2024: Biblioteca Nacional y Universitaria

 

Semeya: collectorcoins

Motivu conmemorativu: 250 Aniversariu de la Biblioteca Nacional y Universitaria d’Eslovenia

Volume d’emisión: 1.000.000         Fecha d’emisión: 18 d’avientu

 

     La Biblioteca Nacional y Universitaria asitiose na ciudá de Ljubljana allá pel 1774 por un decretu de l’archiduquesa Mª Teresa d’Habsburgo. Los sos 637 primeros llibros salieron del colexu de los xesuites de la ciudá, tres la so disolución por parte del papa Clemente XIV. Primero foi llamada Biblioteca del Licéu de Ljubljana y tenía’l drechu a recibir copies de depósitos llegales de tola contornada. En 1850 desapaez el Licéu, pasando a ser la biblioteca de referencia de la rexón. En 1919, sedrá la Biblioteca Central d’Eslovenia y en 1921, Biblioteca Estatal pa tola Yugoslavia. Col nacimientu de la Universidá de Ljubljana en 1919 (ver moneda de dos euros del 2019), pasó a ser la so biblioteca de referencia, recibiendo en 1938 el nome oficilal de Biblioteca Universitaria. En 1945 recibe’l so nome actual. L’edificiu onde s’asitia, ye un diseñu del arquteutu llocal  Jože Plečnik (al que –y dedicaron una moneda conmemorativa de 2 euros nel 2022). Diseñáu en 1936, finose la so construcción en 1941, en plena guerra mundial (en 1944 estrellose escontra elli un aeroplanu, causando daños lleves ya iguándolos tres la guerra).

 

     Nel intre la moneda apaez una maniya de les puertes d’accesu a la biblioteca. Alredor, la lleenda NARODNA IN UNIVERZITETNA KNJIŽNICA col añu fundacional 1774. Debaxo, el nome del país emisor y l’añu d’emisión SLOVENIJA 2024. El diseñu ye obra de Mojca Mlinar y Dominik Košak.

 

 

     Nel aniellu esterior, les doce estrelles de la Xunión europea.

 

 

     Fontes: Wikipedia: BibliotecaNacional y Universitaria d’Eslovenia  (castellán)

                   Na web de la biblioteca: www.nuk.uni-lj.si/eng/nuk/history (inglés)

                   Numismática visual (castellán)