2023: Maria Callas

 

Semeya: collectorcoins

 

Motivu conmemorativu: 100 Aniversariu de la nacencia de Maria Callas

Volume d’emisión: 750.000         Fecha d’emisión: Xunu

 

     Maria Anna Cecilia Sofía Kalogeropulu (Nueva York, 1923 - París, 1977). Más concía como Maria Callas, foi fiya d’emigraos griegos a los Estaos Xuníos. Tres el diborciu de los pas, cola con so má pa Grecia, onde entama los sos estudios de cantu nel Conservatoriu Nacional d’Atenes. El so debut profesional failu cola opereta Boccaccio en 1942. N’agostu d’esi mesmu añu algamaría el so primer ésitu con Tosca na Ópera d’Atenes. Tornó a los Estaos Xuníos en 1944, tres la liberación de Grecia poles tropes britániques. Sedrá ellí onde se xestará tol mitu de Callas, de los triunfos profesionales a los desastres sentimentales. La so voz irrepetible, llevarala a los cumales y la so voz, frayada, a la fondura. Ello xunto a los desplantes del so amáu Aristóteles Onassis y la so débil salú, dirá minando a La Divina hasta la so muerte, sola, nel so apartamentu de París en 1977. Les sos cenices foron espardíes pel Mar Exéu.

 

     Nel intre la moneda apaez el bustu de la homenaxeada mirando a mandrecha. Alredor, la lleenda 100 XPONIA AΠO TH ΓENNHΣH THΣ MAPIAΣ KAΛΛAΣ (100 Años de la nacencia de Maria Callas) y el nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena) cola marca de la ceca y l’añu acuñación 2023. Tres la nuca, la robla  del diseñador Georgios Stamatopoulos.

 

     Nel aniellu esterior, les doce estrelles de la Xunión europea.

 

          Fontes: Wikipedia. Maria Callas

                       Numismaticavisual (castellán)