2022: Constitución de 1822

 

Semeya: collectorcoins

Motivu conmemorativu: Bicentenariu de la primer Constiución griega (1822)

Volume d’emisión: 745.500         Fecha d’emisión: 1^u de xunetu

 

     En plena guerra d’independencia del Imperiu Otomán (1821-1830) dellos representantes del Peloponesu y otres rexones de la Hélade, incluyíes delles islles del Exéu, aconceyáronse n’Epidauro y dieron a conocer el que sedría’l primer testu constitucional de la Grecia moderna. La idega yera facer un testu temporal col que poder gobernar política y militarmente’l país hasta poder constituyir un braeru Parllamentu y una sólida Constitución. L’alzamientu de 1821, foi dirixíu primeramente por dellos comités revolucionarios impulsores d’una serie proclames que-y dieren cierta estabilidá gubernativa al territoriu que controlaben. El primer pasu foi conseguir conformar tres gobiernos llocales encargaos de dirixir les zones de la Grecia continental occidental, la oriental y les islles más el Peloponesu. Estos tres gobiernos provisionales, escoyeron un total de 59 representantes, aconceyándose éstos, n’avientu de 1821, nel pueblu de Piada, cerca de la hestórica ciudá d’Epidauru. Inspirándose nes constituciones franceses de 1793 y 1795, Vincezo Gallina, Alexandros Mavrokordatos y Theodoros Negri, fixeron un testu de 110 seiciones que cubíen en gran parte la futura organización d’un estáu griegu llibre. La norma establecía dos poderes, llexislativu y executivu ya igualaos, cola fin d’equilibralos. Ente les sos funciones, tendríen la facultá d’escoyer a los miembros de la futura Corte Suprema.  Xunto a les constituciones de 1823 y 1827, conformaron les bases de la República helena o griega, basada, principalmente, na soberanía popular, la llibertá de prensa, l’anulación de la esclavitú y el drechu al honor y la seguranza. Ellí nació tamién la bandera actual griega.

 

     Nel intre la moneda apaez una esatua d’Asklepsios delantre del Asklepieion, dios y santuariu de la curación, na ciudá d’Epidauro. Alredor, la lleenda TO ΠPΩTO EΛΛHNIKO ΣYNTAΓMA (Primer Constitución griega) y el nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena). Llindiando’l templu, los años 1822 y 2022 (esti caberu, l’añu acuñación)

     Nel aniellu esterior, les doce estrelles de la Xunión europea.

 

     Fontes: Wikipedia. Constitución griega de 1844 (castellán)

                   Kripkit. Constitución griega de 1822

                   Numismática visual (castellán)

                   Filatelialopez.com (castellán)