2022: Investigación climática

 

Semeya: collectorcoin

Motivu conmemorativu: Investigación climática en Finlandia. Concienciación sobre’l cambiu climáticu

Volume d’emisión: 400.000         Fecha d’emisión: 30 setiembre

 

     El cambiu climáticu ye una realidá de consecuencies catastrófiques pa los hábitos de vida d’anguañu. El problema, realmente, nun lu tién el planeta, sinon los sos moradores. La Tierra, a la fin, ye capaz de tresformase y adautase, xenerando nueva vida si fai falta, pero l’home y delles especies animales y vexetales, cuerren el peligru de desaniciu. Esiste un Programa Mundial d’Investigaciones Climátiques (PMIC) copatrocináu pola Organización Meteorolóxica Mundial (OMM) y la ONX a traviés de la Unesco, tanto a nivel mundial como rexonal y hozizontes temporales que van de selmanes a sieglos.

     La Universidá de Helsinki, llidera dellos estudios medioambientales baxo la direición del académicu Markku Kulmala. El pronósticu climáticu futuru pa’l país pasa pola xuba de temperaturas y precipitaciones frente a la baxa de nevaes y xelaes; baxará’l xelu y xubirá’l nivel del Mar Bálticu. Los cambios van ser más pronunciaos n’iviernu.

     Usnea cavernosa, mofu de barba, Ye un líquen que crez nos árboles. Ye percaprichosu y sensible, necesita d’un aire ricu en oxíxenu pa desarrollase. Apaez colgáu de les cañes al mou guedeyes; la vieca finlandesa ta enllena d’esti mofu. Non en baldre, Finlandia ye’l país del mundiu con meyor calidá del aire.

Presentación de la coincard (numismática visual)

     Nel intre la moneda apaez un ramu del mofu de barba asemeyando unos alvéolos pulmonares. Alredor, la lleenda ILMASTOTUTKIMUS-KLIMATFORSKNING (en finés y suecu, Investigación Climática). Riba, vese la marca de ceca y abaxo, l’añu acuñación 2022 y Fi, como iniciales del país emisor.

     Nel aniellu esterior, les doce estrelles de la Xunión europea.

 

          Fontes: Numismática visual (castellán)

                        Finlandia, el aire más limpio del mundo. El blog de Finlandia (castellán)

                        Organizción Meteorolóxica Mundial-OMM (castellán)