2021: Virxe de Meritxell

 

Semeya: Colectorcoins

Motivu conmemorativu: Centenariu de la coronación de la Nuesa Señora de Meritxell

Volume d’emisión: 73.750         Fecha d’emisión: 4^u trimestre

 

     Cunta la leenda q’un pastor atopó una imaxe de la virxe nel monte baxo unos rosales floríos; llevola pa so casa pero la virxe volvía a apaecer de nuevu nel mesmu llugar. A la fin, los andorranos fixéron-y ellí una capiella. En 1873 el Conseyu Xeneral de los Valles declarola oficialmente Patrona del Principat y l’ochu setiembre de 1921 coronáronla de mou solemne y pasando a ser día nacional d’Andorra. En 1972, el ya crecíu santuariu esbarrumbose completamente por un incendiu, desapareciendo tamién la talla de la virxe. El templu foi llevantáu de nuevu so la direición del arquiteutu Ricardo Bofill y la nueva talla de la virxe foi fecha pol artista andorrán Jaume Rubia, semeya de la vieya, datada ente los sieglos XI y XII.

     Como nota indicativa, decir que al la Xunión europea nun-y presta un res que s’emiten monedes con motivos relixosos (dende’l puntu vista llitúrxicu). Ya nes monedes tipu andorranes de 10, 20 y 50 céntimos tovieron que retocales porque apaecía Samartín con nimbu (a la fin quitaron al santu y punxeron l’arcu entrada de la ilesia románica de Santa Coloma). Nun foi casu únicu, qu’Eslovaquia tamién dio guerra nel 2013 con una conmemorativa dedicada a los santos Constantín y Metodiu (y nun-yos quitaron el nimbu)… Los países del este , son los países del este.

     Nel intre la moneda aparez la imaxe entronizada de la virxe col neñu. A los sos pies apaez el so nome MERITXELL y a dambos dos llaos,  los años de la efeméride 1921-2021 (esti últimu ye tamién el d’emisión). No baxo, el nome del país emisor ANDORRA. La moneda foi acuñada pola Monnaie de Paris.

     Nel aniellu esterior, les doce estrelles de la Xunión europea.

 

Fontes: Numismática visual (castellán)

             Wikipedia: Santuario de Meritxell (castellán)