2020: Tiepolo

 

Semeya: colectorcoin

Motivu conmemorativu: 250 Cabudañu de Giambattista Tiepolo 

Tirada: 54.000           Fecha d’emisión: 27 d’agostu

     Giambattista (o Giovanni Battista) Tiepolo (1696-1770) pintor y grabador italianu, consideráu l’últimu gran pintor de la estaya barroca. Ye una de les figures más importantes del rococó italianu, tanto poles sos pintures murales al frescu como poles feches al óliu sobre llenzu. El so prestixu internacional fexo que calare’n Madrid, a petición del rei Carlos III, encargándose de facer los frescos del Palaciu Real. N’esta ciudá morrería.

     Nel intre la moneda apaez un detalle de la so pintura Agar y Mael nel desiertu, en concretu el detalle del ánxelu. Alredor, l’apellíu del homenaxeáu TIEPOLO y el nome del país emisor SAN MARINO. Centrao a mandrecha los años 1770 y 2020 (que ye tamién l’añu acuñación). A manzorga, les iniciales C.M. de la diseñadora Claudia Momoni. La marca de la ceca de Roma R apaez riba.

     Nel aniellu esterior les doce estrelles de la Xunión europea.

     Fontes: Wikipedia. Giovanni Tiepolo (castellán)

                  Numismática visual (castellán)

                  Diariu oficial de la Xunión europea a traviés d’Eurocoin