2020: Serie Templos Prehistóricos de Malta: Skorba

Semeya: collectorcoin

Motivu conmemorativu: Templos d’Skorba

Tirada: 170.000           Fecha d’emisión: 27 Xunetu

 

     Siguiendo cola so mini colleición de monedes dedicaes a los sos yacimientos megalíticos, Malta sacó ésta dedicada al templu d’Skorba, asitiáu al norte de  Żebbiegħ, a un kilómetro aprosimao de los templos de Ta' Ħaġrat. Data del 3600–2500 e. C. y foi’l más tardíu en ser escaváu; ye por ello que la so relevancia nun seya’l sitiu en sí, sinon el material alcontráu n’elli al emplegase téuniques modernes d’análisis y datación, fechu que valió pa entender un pocu más sobro’l Neolíticu tempranu na islla. Los anteriores templos homenaxeaos foron los de Ġgantija (2016), Ħaġar Qim (2017),  Mnajdra (2018)  y Ta' Ħaġrat (2019).

     Nel intre, detalle del templu. No cimero, el so nome y les dates de la so construcción SKORBA TEMPLES 3600-2500 BC. Sol templu, el nome del país emisor y l’añu d’acuñación MALTA 2020 y una figurina antropomórfica. Na base’l templu a mandrecha aparecen les iniciales del grabador Noel Galea Bason (NGB).

     Nel aniellu esterior les doce estrelles de la Xunión Europea.

     Esisten tres variantes d’esta moneda:

     Variante 1: Ensin marques. Nos rollos pa la circulación.

    Variante 2: Cola marca de la ceca de Pessac y la del so direutor. Emisión pa colleicionistes en Coincard.

     Variante 3: Con una F na estrella de les 6 en puntu. Emisión pa colleicionistes en cartera (ídem pa toles monedes de la cartera).

     Fontes: Wikipedia. Skorba (castellán)

                  Numismático visual (castellán)

                  Diariu oficial de la XE a traviés d’eurocoin (castellán)