2019: Sufraxu Universal

Semeya: Numismaticavisual

Motivu conmemorativu: Centenariu del Sufraxu Universal en Luxemburgu 

Tirada: 308.500           Fecha d’emisión: 5 d’avientu

 

     El 26 d’ochobre de 1919 Luxemburgu aprovó’l drechu universal a votar y presentase nes elleiciones. Enantes, tan solu el 25 % de los homes teníen esti drechu. La primer, y única, muyer n’ingresar nel Parllamentu féxolo esi mesmu añu nes primeres elleiciones xenerales del país.

     Nel intre aparez a manzorga’l bustu del gran duque Henri I y a mandrecha una man mete’l so votu nuna urna. Los años 1919 (añu del fechu) y 2019 (añu del anivesariu a la par qu’añu d’acuñación) tan enriba la man llindiaos poes marques del país o la ceca y el so direutor; no cimero lleese la leenda Centenaire du suffrage universel, y no baxo el nome del país emisor LUXEMBOURG.

     No referente a les marques identificatives de la moneda, señalar que vamos alcontramos con tres variantes, a saber:

     Les que seyan pa poner en circulación, lleven como marques el llión luxemburgués y el caducéu de Mercuriu, marca de la ceca d’Utrech (Países Baxos), en calidá UNC (del inglés Uncirculated, ensin circular, básicamente pa servir de referencia a los colleicionistes que les quieran mercar nuevines, ensin estrenar) pero que va ser la variante a poner en circulación pal mercadéu cotidianu de la xente. Emitiranse unes 300.000 pieces.

    La segunda variante lleva la marca de la ceca d’Utrech y la del so direutor, n’esti casu una ponte de dos güeyos. Esa vién dientro d’una tarxetina y protexía escontra guelpes (n’inglés nómase coincard) propia pa colleicionistes y que suel identificase coles sigles BU (de Brillo Único, Rellume únicu). Saldrán unes 7.500

     Y la tercer variante vién col llión y la ponte. Ésta vién nun set de colleicionista xuntu coles monedes tipu emitíes esti añu más la otra moneda conmemorativa del 2019, la de la gran duquesa Charlotte. Toes elles son de calidá BE (proof). En total, unos mil sets.

     Nel aniellu esterior les doce estrelles de la Xunión europea.

     Fonte: Numismática visual (castellán)