 |
|
Semeya: eurocoinland
|
Motivu conmemorativu: 500 Cabudañu de Leonardo da Vinci
Volume d’emisión:
3.000.000 Fecha
d’emisión: Xineru
Leonardo di
ser Piero da Vinci (1452-1519) pintor, anatomista, arquiteutu, paleontólogu, artista,
botánicu, científicu, escritor, escultor, filósofu, inxenieru, inventor,
músicu, poeta y urbanista florentín del Renacimientu italianu. Estudió col
pintor Andrea de Verrocchio. Los sos primeros trabayos importantes féxolos en
Milán al serviciu del duque Ludovico Sforza, colando depués per dellos llugares
d’Italia y finando los sos caberos años en Francia al serviciu de Franciscu I.
De talentu desbordante, ye bien difícil identificalu con una sola disciplina,
ya que fexo sorprendentes inventos d’inxeniería y desarrolló nuevos
conocimientos nel campu científicu. Ensin embargu pasará a la hestoria
principalmente pola pintura, gracies a cuadros perconocíos como La Guioconda o La Cena cabera.
Nel intre aparez un detalle
del so cuadru Dama con armiñu, asitiáu
nel Muséu Czartoryski de Cracovia. A manzorga figuren el nome del homenaxeáu
LEONARDO, les iniciales de la diseñadora Maria Angela Cassol M.A.C, así como el
logotipu del país emisor RI; a mandrecha, la marca de la ceca, R y los años
1519-2019, referentes al añu la muerte Leonardo y al añu d’emisión.
Nel aniellu
esterior, les doce estrelles de la Xunión europea.
Fonte:
Wikipedia. Leonardo da Vinci
No hay comentarios:
Publicar un comentario