2019: Consell de la Terra

Semeya: Eurocoinland

Motivu conmemorativu: 600 Años del Consell de la Terra

Volume d’emisión: 60.000         Fecha d’emisión: 11 payares

     D’antanu, los aldeanos de los valles andorranos aconceyábense nos porches de les ilesies pa falar del gobiernu y organización de los valles. Pa da-y un calter más xeneral y menos llocal, formose’l Consell de la Terra, entamando d’un privilexu robláu pol obispu Francesc de Tovìa, a requerimientu de Andreu de Alàs, l’11 de febreru de 1419 y ratificáu’l 17 payares pol llugarteniente del conde Joan I de Foix. Poro, esti parllamentu ye ún de los más vieyos d’Europa. Tres dellos sieglos de furrulamientu, el Consell dexeneró nun feudu controláu por unes poques families poderoses, lo que causó un descontentu xeneral pel sieglu XIX y povocando una reforma en 1886 de la man de Guillem d'Areny Plandolit y que provocó’l desaniciu del Consell de la Terra a favor del actual Consell General.

     Nel intre la moneda aparez un conceyu d’homes alredor d’una mesa col escudu andorrán. So ellos aparez una estola col nome del país emisor ANDORRA y la cifra 600 partía poles feches del fechu 1419-2019, siendo esti últimu l’añu d’emisión. Alredor del diseñu, la lleenda 600 ANYS DEL CONSELL DE LA TERRA. La moneda foi acuñada pola Monnaie de Paris.

     Nel aniellu esterior, les doce estrelles de la Xunión europea.

Fonte: Numismática visual (castellán)

            Wikipedia: Conseyu Xeneral d’Andorra

            Viquipèdia: Consell General d’Andorra (català)