Motivu conmemorativu: 250
Aniversariu del nacimientu de François Joseph Bosio
Tirada: 16.000 Fecha
d’emisión: 25 de xunu
François-Joseph Bosio (1768-1845) d’orixe
monegascu, foi l’artista oficial del Primer Imperiu francés y llueu de La
Restauración. La so especialidá yera la escultura, aprendía del so mayestru Augustin
Pajou. Los sos anicios asítienlu n’Italia trabayando pa la Ilesia ente 1790 y
1800. En 1808 recibe l’encargu de facer los relieves de la Columna Vendôme de
París y llega a ser el retratista de Napoleón Bonaparte y familia. Otres obres
decataes son les allegoríes de Francia
y La Fidelidá asitiaes nel Palaciu
Xusticia de París; tamién ye suya la estatua ecuestre del rei Lluis XIV na
Plaza de les Victories y la cuadriga enriba l’Arcu del Triunfu del Carrusel.
Nel intre
aparez el bustu del artista xunto a una de les sos obres, La Ninfa Salmacis. Riba, el nome del
país emisor MONACO. Baxo, en dos fileres, la lleenda FRANÇOIS-JOSEPH BOSIO 1768-SCULPTEUR-2018 (esti añu tamién
se refier al d’acuñación. A dambos dos llaos de los años, la marca de la ceca
de Pessac (Francia) y la del so direutor.
Nel aniellu
esterior les doce estrelles de la Xunión europea.
Fontes:
Wikipedia. François Joseph Bosio
No hay comentarios:
Publicar un comentario