 |
| Semeya: Eurocoinland |
Motivu conmemorativu: Cultura de la Sauna finlandesa
Volume d’emisión:
1.000.000 Fecha
d’emisión: Ochobre
Cuando se fala de Sauna direutamente
viennos a la tiesta, polo xeneral, Finlandia (dafechu, sauna ye la pallabra finesa más estendía pel mundu). La sauna
finlandesa ye tamién conocía col nome de sauna seca, ya que la so idega
funcional ye la de tar nun recinto zarriáu a una temperatura ente 70 y 100
graos con una humedá relativa non superior al 20 %. El so orixe ye bien
llonxanu y, amás del so sentíu hixiénicu, tamién tién un calter de purificación
espiritual, pos pa los escandinavos en xeneral, tomar la sauna lleva un
auténticu ritual rexíu por unes normes d’orixe tradicional y avenceyao al
calendariu agrariu asina como al folclore. Ye tal la so importancia qu’hasta la
II Guerra Mundial foi tamién sala de partu y sala mortuoria pa la preparación
del cadabre. Y non ye verdá, les saunes nun xeneren actos promíscuos, nin
bacanales, nin ná; son coleutives sí, y ye obligatorio tar desnudu, pero dende
antanu, primero entraben los homes col xefe y llueu les muyeres cola xefa…
anguañu ya nun fai falta esperar, ca sexu tién la de so.
Nel intre la moneda aparez un
paisax finlandés con una sauna afumiando al llau d’un llagu, al fondu de la
biesca vense dos llínies más de fumu indicando l’asitiamientu d’otres saunes. A
manzorga ta la marca del país emisor Fi y a mandrecha la marca de la ceca de
Vantaa. Sol diseñu aparez l’añu d’acuñación 2018.
Nel aniellu
esterior, les doce estrelles de la Xunión europea.
Fonte:
Wikipedia. Sauna (Castellán)
No hay comentarios:
Publicar un comentario