2018: República d’Eslovaquia

Semeya: Eurocoinland

Motivu conmemorativu: 25 Aniversariu de la formación de la República Eslovaca

Volume d’emisión: 1.000.000         Fecha d’emisión: Xineru

      En 1989 Checoslovaquia desfacíase del réxime dictatorial que la gobernaba dende la fin de la II Guerra Mundial. La xente tomó les cais, de mou pacíficu, provocando la conocía como Revolución de Terciopelu (nel 2009 Eslovaquia emitiere una moneda pa conmemorala).

     Tres les elleiciones democrátiques de 1992, constátase que’l sentir de les xentes de los d’ambos dos territorios que conformaben el país yeren bien estremaos, poro, tres conformar una breve República Federal Checa y Eslovaca, na seronda d’esi mesmu añu deciden la dixebra del país en dos nueves ya independientes Repúbliques de mutuu alcuerdu. El primeru de xineru de 1993 nacen la República Checa y la República Eslovaca.

     Nel intre la moneda aparez un mapa d’Eslovaquia atravesando un arcu que simboliza la entrada del país na Europa democrática y, perende, na Xunión europea. Afita esa entrada colos símbolos de la XE por antonomasia: les estrelles de la Xunión arrodiando’l símbolu de la moneda única, l’euru. A manzorga vese l’escudu nacional eslovacu, d’onde ñaz el nome del país emisor SLOVENSKÁ REPUBLIKA. A mandrecha y sol mapa vese la marca de la ceca, MK y el monograma del diseñador Pavel Károly, PK, cola fecha de la dixebra 1.1.1993 y l’añu d’emisión 2018

     Nel aniellu esterior, les doce estrelles de la Xunión europea.

Fontes: 25 Años de la República eslovaca (castellán) 

             de la http://www.rtvs.org/ Rozhlas a televízia Slovenska.