2018: República d’Austria

Semeya: Colectorcoins

Motivu conmemorativu: Centenariu de la República d’Austria

Volume d’emisión: 18.100.000         Fecha d’emisión: Avientu 2017

     En 1918, tres la derrota na Gran Guerra (I Guerra Mundial) y el desaniciu del Imperiu Autro-Húngaru, ñaz la República de l’Austria alemana, nome que nun –yos prestó un res a los vencedores del conflictu, camudándo-ylu pol de República d’Austria y faciéndola de tipu parllamentariu. La permanente crisis económica, política y social del nuevu país fexo que’n 1934, el canciller Engelbert Dollfuss estableciere una dictadura conservadora que duró hasta l’anexón d’Austria por parte de l’Alemaña nazi (Anschluss). Tres la II Guerra Mundial, la mayor parte del tarrén, incluyía la so capital Viena, foi lliberáu pol exércitu soviéticu y el restu poles fuercies aliaes occidentales, polo qu’Austria nun tornó a ser independiente hasta 1955, cola condición de ser neutral na ya nidia Guerra Fría ente los bloques occidental y oriental.

     Nel intre la moneda aparez una estatua de la diosa griega Palas Atenea delantre del edificio del Parllamentu austríacu, fechu n’estilu griegu. Atenea representa el parlamentarismu austriacu, la sabiduría, el conocimiento, la razón y el talentu estratéxicu. A manzorga aparez l’añu d’acuñación 2018 asina como la lleenda 100 JAHRE (100 años). Sola diosa, el nome del país emisor REPUBLIK ÖSTERREICH.

     Nel aniellu esterior, les doce estrelles de la Xunión europea.