2018: Felipe VI

Semeya: Eurocoinland

Motivu conmemorativu: 50 Aniversariu del rei Felipe VI

Tirada: 4.000.000              Fecha d’emisión: 1^u de febreru

    Felipe Juan Pablo Alfonso de Todos los Santos de Borbón y Grecia nació en Madrid, el 30 xineru de 1968. Ye l’actual rei d’España, títulu pol qu’ostenta la xefatura del Estáu y el mandu supremu de les Fuercies Armaes. Foi proclamáu ante les Cortes Xenerales col nome de Felipe VI el 19 xunu de 2014, tres facese efeutiva l’abdicación de so pá el rei Juan Carlos I.​

     Ye’l tercer fíu del matrimoniu formáu por Juan Carlos I de Borbón y Sofía de Grecia. Ta casáu con Letizia Ortiz, reina consorte, cola que tién dos fíes: la princesa d’Asturies, Leonor, y la infanta Sofía.

     Les armes del rey Felipe VI tan formaes por un escudu cuarteláu: 1^u de gulés con castiellu d’oru almenáu símbolu del Reinu de Castiella; 2^u de plata con llión rampante púrpura y corona d’oru, símbolu del Reinu de Llión; 3^u d’oru y con cuatro palos de gules, que ye símbolu del Reinu d’Aragón; 4^u de gules, con una cadena d’oru puesta en orla, en cruz y en aspa, como símbolu del Reinu de Navarra; entado en punta, de plata, con una fruta de granada con regaña de gules y dos fueyes, símbolu del Reinu de Granada. En escusón central, tres flores de lis d’oru, símbolu de la familia Borbón-Anjou. Arrodia l’escudo el collar de la Orde del Toisón d’Oru y lu remata una corona real.

     Nel intre la moneda aparez l’escudu d’armes de Felipe VI. A manzorga, el nome del país emisor ESPAÑA y baxo elli l’añu d’acuñación 2018. A mandrecha y dende baxo, la lleenda 50 ANIVERSARIO DE S.M. FELIPE VI finando na marca de la ceca.

     Nel aniellu esterior les doce estrelles de la Xunión europea.

          Fonte: Eurocoinland