2016: Xendarmería del Vaticanu

Motivu conmemorativu: Bicentenariu del Cuerpu de Xendarmería del Vaticanu

Tirada: 105.000              Fecha d’emisión: 2 de xunu

     El Corpo della Gendarmería dello Stato della Città del Vaticano ye’l cuerpu de policía y fuercia de seguridá tanto na Ciudá del Vaticanu como nes propiedaes estraterritoriales de la Santa Sée. Ente les sos responsabilidaes alcuéntrense les de la seguridá, l’orde públicu, el control de fronteres, el control del tráficu, la investigación penal, ya inclusu la provisión de seguridá pal Papa fora del Vaticanu. El cuerpu cuenta con 130 miembros y ye una parte del Departamentu de Servicios de Seguridá y Defensa Civil, qu’inclúi tamién el Cuerpu de Bomberos.

     Nel intre aparez un xendarme vaticanu delantre la cúpula de la basílica de San Pedru. Alredor del diseñu figura la lleenda CORPO DELLA GENDARMERIA 1816-2016 (esti últimu ye l’añu d’emisión) y el nome del país emisor CITTA’ DEL VATICANO. A manzorga, xunto a la cúpula, vese la marca de la ceca de Roma, R y a mandrecha, la marca de la diseñadora Daniela Longo (D. Longo).

     Nel aniellu esterior, les doce estrelles de la Xunión Europea.