Conceyu d’Arahal (Sevilla)

     El bandu rebelde derogó les monedes republicanes nos territorios baxo’l so control, poro, hebo qu’habilitar una serie ceques pa facer moneda de necesidá. Arahal foi una de les cinco ceques qu’hebo na provincia Sevilla. En 1938, emitiéronse 3 valores con unes tiráes aprosimáes de 5.000 pieces de 50 céntimos, 20.000 d’una peseta y 10.000 de dos pesetes. El metal usáu foi latón y troquelose namás que l’anversu (unifaz). La so ornamentación ye bien cenciella: el nome la ceca y el valor de la moneda. Varía, eso sí, el módulu del cospel según el valor de la pieza. El trabayu de faceles se-y encargó a la Ferretería La Llave y los cuños foron fechos nel taller de grabaos de Francisco Castillo, según documentos aparecíos n’estes empreses; ensin embargu, l’acuñamientu de les pieces foi fechu na Fábrica de artículos Troquelados de D. Moises Jiménez, en Sevilla.

     Nun tuvieron una bona acoyida ente’l pueblu, sobre too les pesetes, por ser valores per altos pal so emplegu diariu; solo la de 50 céntimos circuló conxuntamente con otra moneda que nun foi acuñada nel conceyu pero que ya taba estendía ente la población, el nomáu real de Marchena. Marchena yera otru de los conceyos baxo control de los rebeldes y que tamién tuvo qu’acuñar les sos monedes, bono, la so moneda, ya qu’emitió namás q’una pieza de 25 céntimos, d’ehí lo de nomala real.

Pola so escasez, sobre too de la de 50 céntimos, nun ye raro atopase con una serie completa valorada en unos 1000 €, poro, nun son rares les falsificaciones. 

50 céntimos

1 peseta

2 pesetes



Fontes: Monedas durante la II República y La Guerra Civil Española (1931-1939). Javier Ovelleiro

              Imperio Numismático. (Foru numismáticu)