Gratallops ye un conceyu asitiáu na provincia de Tarragona. La so base económica ye eminentemente agrícola. A pesar del so escasu vecindariu, tuvo la necesidá d’emitir moneda de necesidá durante la contienda civil pola escasez de numberariu del estáu.
Nun ye que se pueda falar de monedes n’esti
casu; realmente yeren unes fiches, delles redondes, delles poligonales, col
valor facial que pretendíen representar grabáu con punzones o granetes propios
d’una fábrica (dafechu, pala fabricación de los cospeles emplegáronse les
planches de chapa de fierro emplombao q’usaben pa fabricar los envases de los
carburos). La tema de les monedes de necesidá feches d’un mou tan probe, ye que
son perfáciles de falsificar. Nel casu de les monedes de Gratallops, tenemos
pieces de 5 y 25 céntimos feches en zinc, lo que fai pensar a dellos estudiosos
qu’esistió una segunda serie d’estos valores pa suplir la necesidá de les
mesmes. Per otru llau, sábese de la esistencia de varies series completes feches
en fierro y qu’aparecieron en subastes on line; n’esti casu, hai series dubies
sobre la so autenticidá, ya que, de primeres, esti material nun yera tan fácil
d’atopar, sobre too en zones escases d’industria y, de segundes, un pueblu de
calter agrariu nun tendría fácil accesu a esti material nin se-y supón de la
ferramienta adecuao pal so tratamiento. Otra cosa son la chapa, el zinc,
l’aluminiu o el latón, materiales más bayurosos y fáciles de troquelar.
Los valores acuñaos foron los de 5, 10, 25
y 50 céntimos, amás del d'1 peseta. Toles acuñaciones son unifaz a esceición de
la de 50 céntimos, que lleva una G (Gratallops) no que se supón ye l’anversu.
5 céntimos
10 céntimos
25 céntimos
50 céntimos
1 peseta
No hay comentarios:
Publicar un comentario