2016: Serie Rexones Letones: Vidzeme

Motivu conmemorativu: Rexones Históriques y Culturales de Letonia: Vidzeme

Tirada: 1.000.000              Fecha d’emisión: 15 payares

 

 

   Les rexones históriques de Letonia son territorios carauterizaos por un entornu cultural ya históricu únicu y que conforma la identidá común de los sos habitantes. La dixebra de Letonia en rexones ye enforma abegoso, ya que no que se refier a temes culturales, xeográficos y de llendes, suelen solapase de manera enguedeyada. Tres la independencia de 1991 y l’aprobación de la Constitución de 1993, el país quedó dixebráu en cuatro rexones históriques, Vidzeme, Latgale, Kurzeme y Zemgale. A partir de 2006, Riga, capital del país, conformó una quinta rexón con tierres de Vidzeme, Kurzeme y Zemgale.

 

     Vidzeme tórnase como Tierra del Mediu y ta asitiada nel centru-norte del país, al norte del ríu Daugava. N’alemán recibe’l nome de Livland, derivao del llatín Livonia, nome col que se conocía antiguamente a parte de les repúbliques báltiques. Dafechu, el so nome en Livonia yera Vidumō. 

 

     La representación heráldica d’esta rexón ye un grifu plateáu. El so emplegu como seña asítiase pel añu 1566, cuando la rexón tuvo baxo’l control de Polonia y Lituania.

  

 

 

 

    Nel intre la moneda apaez l’escudu de la rexón histórica de Vidzeme.  No cimero alcuéntrase el nome del país emisor LATVIJA y, no fondero, el nome la rexón VIDZEME. A mandrecha figura l’añu d’emisión 2016.

     Nel aniellu esterior les doce estrelles de la Xunión Europea.