2016: Independencia d’Eslovenia

Motivu conmemorativu: 25^u Aniversariu de la independencia de la República d’Eslovenia

Tirada: 1.000.000               Fecha d’emisión: 20 xunu

     La Eslovenia d’anguañu nació de la so dixebra de Yugoslavia el 25 xunu de 1991 tres un breve enfrentamiento escontra l’exércitu federal yugoslavu; a la guerra de la independencia eslovena (Slovenska osamosvojitvena vojna) tamién se la conoz col nomatu de Guerra de los 10 díes (desetdnevna vojna). Nel 2004, foi almitida tanto na OTAN como na XE.

     Nel intre la moneda aparez el campu dixebráu por una llínia oblícua. No cimero aparez la inscripción 25 LET y, debaxo, el nome del país emisor REPUBLIKA SLOVENIJA. Depués vien una frase del Himnu eslovenu nomáu Zdravljica (Un brindis): dočákat’ dan (esperar el día), grabao na moneda cola lletra orixinal del so autor, el poeta France Prešeren (que por ciertu, ye’l protagonista de la moneda tipu de 2 euros) . L’añu d’emisión 2016 aparez sol diseñu.

     Nel aniellu esterior les doce estrelles de la Xunión Europea.