2016: Donatello

Motivu conmemorativu: 550^u Cabudañu de Donatello

Tirada: 1.500.000              Fecha d’emisión: 2 d’agostu

     Donato di Niccolò di Betto Bardi, nomáu Donatello (1386-1466), artista y escultor fiorentín d’entamos del Renacimientu. Gran innovador na estaya de la escultura monumental y nel tratamientu de los relieves, algamó representar una gran fondura dientro d’un mínimu planu, lo que se conoció col nome de stiacciato, o seya, relieve aplacháu.

     El David de mármole pala Sée Catedral de Santa María del Fiore en Florencia, foi la so primer obra documentada ente 1444 y 1446. Otres obres perimportantes son: el David de bronce nel Muséu del Bargello, el Púlpitu esterior de la Sée Catedral de Prato, la estatua ecuestre de Gattamelata en Padua, la María Madalena penitente nel Muséu dell’Opera del Duomo en Florencia y Judith y Holofernes nel Palaciu Vecchio.

     Nel intre la moneda aparez precisamente la tiesta de la escultura del David de bronce conservada nel Muséu Nacional de Bargello, Florencia. A manzorga vese l’anagrama del país emisor, República Italiana, RI; so elli, en dos llínies, los años 1466 y 2016 (ésti ye tamién el d’acuñación de la moneda). A mandrecha aparecen les iniciales de la grabadora Claudia Momoni C.M. y so ello, el nomatu del homenaxeáu DONATELLO.

     Nel aniellu esterior les doce estrelles de la Xunión Europea.

     Sanmarín tamién sacó una moneda dedicada a Donatello esti añu.