2016: Holocausto del monasteriu d’Arkadi

Motivu conmemorativu: 150^u Aniversariu del Holocausto del monasteriu d’Arkadi

Tirada: 750.000               Fecha d’emisión: 21 d’avientu

     El monasteriu d’Arkadi (Μονή Αρκαδίου) ye de confesión ortodoxa y tá asitiáu na islla de Creta (Grecia). La ilesia d’anguañu data del sieglu XVI y ye de tipu renacentista.

     Arkadi féxose céllebre pola so resisrencia frente a la ocupación otomana. Na brenga cretense de 1866, 943 ciudadanos alcontraron abellugu n’elli y ellí mesmu resistieron tres díes, baxo les órdenes del superior de monasteriu, l’hegúmenu Gabriel. Enantes de rendise, prefirieron inmolase faciendo españar los barriles de pólvora. Sobrevivieron un centenar de persones al asaltu final de los otomanos y exipcios, los cualos sufrieron unes 1.500 baxes. Nun foi una batalla decisiva dende’l puntu de vista militar, la llucha continuó per tola islla, pero valió pa que’l restu d’Europa se fixare n’esa contienda pola independencia griega.

     El monasteriu ye güei un santuariu nacional n’honor a la resistencia cretense, y cada 8 de payares conmemórase la traxedia n’Arkadi y Retino.

     Nel intre la moneda aparez la fachada de la ilesia del monasteriu d’Arkadi. So ella, la lleenda MONH APKAΔIOY (MONASTERIU D’ARKADI). A manzorga, riba, el nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena) y a mandrecha, l’añu emisión 2016. Sol diseñu, la marca de la ceca de Halandri y al pie de la ilesia, a mandrecha, el monograma del artista Georgios Stamatópoulos.

     Nel aniellu esterior les doce estrelles de la Xunión Europea.