2014: Riga Capital Cultural Europea

Motivu conmemorativu: Riga Capital Europea de la Cultura

Tirada: 1.000.000              Fecha d’emisión: 12 d’agostu

     Letonia emitió la so primer moneda de 2€ Conmemorativos esti añu 2014, dedicada a Riga Capital Europea de la Cultura 2014. Cada añu, la Comisión Europea designa dos ciudaes de la Xunión como capitales europees de la cultura. En 2014, les Capitales Europees de la Cultura escoyíes foron Riga y Umeå en Suecia.

     Riga ye la ciudá más grande de los países bálticos, a les orielles del ríu Daugava. Pa cellebrar la so capitalidá cultural fexo un programa d’actividaes típique letones. Baxo’l lema Force Majeure, preparose un programa con alredor de 200 proyeutos y eventos, ente ellos óperes, esposiciones y festivales culturales principalmente na cai. El programa abarcó dende una gran esposición de la historia cultural de los 500 años del llibru impresu y un festival d’arte contemporáneu con una de les mayores cellebraciones del solsticiu de branu n’Europa.

     Nel intre la moneda aparez la silueta de Riga y el centru históricu de la ciudá, que tá incluyíu na llista de llugares declaraos Patrimoniu de la Humanidá pola XNESCO. Na parte superior, en semicírculu, la lleenda EIROPAS KULTŪRAS GALVASPILSĒTA (Capital Europea de la Cultura) y, na parte inferior, el nome de la ciudá y l’añu d’emisión RIGA -2014; so ello, la indicación del país emisor LV.

     Nel aniellu esterior les doce estrelles de la Xunión Europea.