Motivu conmemorativu: XXVIII Día Mundial de la Mocedá, Rio
de Janeiro 2013
Tirada: 89.000 Fecha d’emisión: 15 d’ochobre
La Xornada Mundial de la Mocedá ye un
eventu organizáu pola Ilesia Católica y onde se dan cita mozos y moces de tol
mundu. Nació nel añu 1984 siendo papa Xuan Pablo I. La Xornada celébrase tolos
años el Domingu de Ramos en toles Diócesis y una ceremonia principal nel
Vaticano. Cada 2 ó 3 años, escuéyese una ciudá pa organizar un aconceyamientu
internacional presidíu pol papa. La idega ye incentivar la participación de la
mocedá na Ilesia.
Esti añu la
celebración d’esta xornada de la mocedá foi en Rio de Janeiro (Brasil), ente´l 23
y el 28 de xunetu y cola presencia del Papa Xicu.
Nel intre
aparez la estatua del Cristu Redentor
o Cristu de Corcovado xunto a cinco
mozos. La estatua tién 38 metros más el pedestal d’8 metros. Tá a 710 metros
sobre’l nivel de la mar nel Parque Nacional de la Tijuca, no cimero´l monte del
Corcovado. Foi inaugurada el 12 d’ochobre de 1931, depués d’aprosimadamente
cinco años d’obres. A mandrecha baxo l’añu, vemos la marca la ceca romana (R) y
la marca’l diseñador P. DANIELE. Alreor del diseñu, la lleenda XXVIII G.M.G.
(de Giornata Mondiale della Gioventù)
CITTA’ DEL VATICANO RIO • 2013.
Nel aniellu
esterior, les doce estrelles de la Xunión Europea.
No hay comentarios:
Publicar un comentario