2025: Primer testu n’estoniu

 

Semeya: collectorcoins

Motivu conmemorativu: 500 Aniversariu del primer testu escritu en llingua estonia

Volume d’emisión: 850.000         Fecha d’emisión: 30 xineru

 

     L’estoniu ye una llingua de raigañu ugrofinés (nel 2021 Estonia dedicó una moneda de 2 euros conmemorativos al grupu de rexones ugrofineses o uráliques). Nun esisten prebes del emplegu d’esta llingua n’escritos hasta’l sieglu XVI, siendo un manuscritu relixosu, el de Kullamaa, qu’atropaba los rezos cristianos básicos como’l Creo o el Padrenuesu, por cuenta de la entrada del protestantismu nel país (la Reforma facilitó la torna de los testos sagraos llatinos a les llingues vernácules, cola fin d’averase más a les clases populares y espoxigar frente al catolicismu). Foi impresu por primer vez en 1525 n’Alemaña.

 

     Nel intre la moneda apaecen cuatro llibros formando una E. Alreor, la lleenda EESTI KIRJAKEEL 500 (Llingua escrita estonia) xunto col añu del fechu 1525 y l’añu acuñación 2025.  El diseñu ye obra del artista Svetlin Balezdrov.

     Nel aniellu esterior, les doce estrelles de la Xunión europea.

     Fonte: Numismática visual 

                Wikipedia: Idioma estoniu