 |
|
Semeya: collectorcoins |
Motivu conmemorativu: XX Xuegos de los Pequeños Estaos d’Europa
Volume d’emisión: 54.000 Fecha d’emisión: 24 payares
Los Xuegos de los Pequeños Estaos d’Europa, ye un alcuentru deportivu multidisciplinar y de calter bienal, organizáu polos Comités Olímpicos de dichos países. Los requisitos pa formar parte del evento son: ser estaos soberanos europeos con menos d’un millón d’habitantes, tener Comité Olímpicu propiu y pertenecer al Comité Olímpicu Inernacional (COI).
Los primeros xuegos cellebáronse nel 1985 na República de Sanmarín y aconceyando a ocho estaos: Andorra, Islandia, Liechtenstein, luxemburgu, Malta, Mónacu, Sanmarín y Xipre. Nel 2009 entraría Montenigru. Xipre ye una esceición, ya qu’anguañu la so población pasa de la cifra llegal.
Ye la tercer vegada qu’Andorra acueye los Xuegos, tres les de 1991 y 2005. Tocó-y tamién en 2021, pero foi cancelada por cuenta de la pandemia del COVID-19. Esti 2025, ente’l 26 y 31 de mayu, más de 1000 atletes y representantes nacionales competirán en 19 deportes dixebros, ente los que detaquen los d’atletismu, baloncestu, yudo, rugby 7, ciclismu, tiru, karate, natación, voley, tenis de mesa y tenis.
Nel intre la moneda apaecen dellos elementos representativos de los dixebros xuegos. Alreor, la lleenda JOCS DELS PETITS ESTATS D’EUROPA. Debaxo, el nome del país emisor ANDORRA y l’añu acuñación 2025. La moneda foi acuñada pola Monnaie de Paris.
Nel aniellu esterior, les doce estrelles de la Xunión europea.
Fontes: Numismática visual
Wikipedia: Juegos de losPequeños Estados de Europa
No hay comentarios:
Publicar un comentario