2024: Adhesión a la XE

 

Semeya: Collectorcoin

Motivu conmemorativu: 20 Aniversariu de l’adhesión de Xipre a la Xunión europea 

Tirada: 7.000                 Fecha d’emisión: 27 payares

 

     El primeru de mayu de 2004 Xipre entra a formar parte de la Xunión europea, xunto con otros nueve países, como parte de la quinta ampliación de la XE. La so solicitú d’ingresu data de xunetu de 1990, entamándose oficialmente les negociaciones en 1998 y finando, esitosamente, a finales del 2002. El 16 d’abril de 2003 róblase’l Tratáu d’Adhesión.

     Ésta ye, de momentu, la tirada más curtía de monedes conmemoratives de dos euros de la historia del euru. Si bien el Bancu Central de Xipre les punxo a la venta con un costu de veinte euros por pieza, la so escasez y fuerte demanda por parte de colleicionistes, fexo qu’esnalare n’hores y, que na mesma cola del bancu, dellos especulaores ya pidieren 400 euros por moneda. Anguañu, ye una de les más cares nel mundo del colleicionismu.

     Nel intre la moneda apaez un collage conformáu pola silueta del país, un globu terráqueu y la fachada del edificio de la Comisión europea asitiáu en Bruseles. Nel centru, les estrelles de la bandera de la XE. Dientro’l mapa la islla, el nome del país emisor en griegu y en turcu ΚΥΠΡΟΣ - KIBRIS. Alredor del diseñu, la lleenda 20 ΧΡΌΝΙΑ ΑΠΌ ΤΗΝ ΈΝΤΑΞΗ ΤΗΣ ΚΎΠΡΟΥ ΣΤΗΝ ΕΥΡΩΠΑΪΚΉ ΈΝΩΣΗ (20 años de l’adhesión a la Xunión europea) y los años del fechu, 2004-2024 (esti caberu tamién ye l’añu acuñación).

 

     Nel aniellu esterior, les doce estrelles de la Xunión europea.

 

     Fontes: Numismática visual (castellán)

                   BCE. Monedes conmemoratives de 2 euros 2024