2024: L’abeya autóctona maltesa

 

Semeya: todonumismática

Motivu conmemorativu: Especies autóctones malteses, l’abeya Apis mellifera ruttneri

Tirada: 80.000           Fecha d’emisión: Agostu

 

     Ún de los posibles oríxenes etimolóxicos de Malta provién del griegu clásicu, ya qu’éstos conocíen al archipiélago col nome de Μελίτη (Melite) que vien a ser “dulce como’l miel”. La tradición apicultora maltesa remóntase al tiempu de los fenicios, mariñanes y comerciantes del Prósimu Oriente qu’introducieron esti inseutu recolleutor nes islles unos trescientos años enantes de Cristu. Poro, nun ye un res raro que, tres tantos sieglos d’adautación, Malta tenga la so propia subespecie d’abeya, conocía científicamente col nome d’Apis mellifera ruttneri. Los sos truébanos yeren en realidá complexes escavaciones nes roques, sistema que se caltuvo vivu hasta la metá del sieglu XX, cola entrada de los modernos caxellos. La parte negativa, ye la introducción d’abeyes foriates, que tienden a amestase coles autóctones y francer con esti bien endémicu del país (per otru llau, ye bien cierto que los apicultores malteses son sensibles a esti problema, lo que pue amenorgar el riesgu).

     Nel intre la moneda, apaez una abeya maltesa enriba un collage metá flor, metá setu. Entemediu, el nome del país emisor col añu d’acuñación MALTA 2024. Abaxo, apaecen les iniciales de la diseñadora y grabadora Maria Anna Frisone (MF).

     Nel aniellu esterior les doce estrelles de la Xunión Europea.

     Esta moneda solo va salir en coincard, poro, nun va circular.

     Fonte: Wikipedia: Malta. Apis mellifera ruttneri.

                 Pilgrimaps. Malta: la isla que sabe a miel

                 Tour del viajero. 6 animales nativos que debes ver en Malta

                 Numismática visual