2024: Penélope Delta

 

Semeya: Numismática visual

Motivu conmemorativu: 150 Aniversariu del nacimientu de Penélope Delta

Volume d’emisión: 750.000         Fecha d’emisión: 17 xunu

 

     Penélope Delta o Pinelopi Delta (en griego: Πηνελόπη Δέλτα) (1874-1941) ta catalogada como la primer escritora pa rapazos de la lliteratura griega contemporánea. La so obra va marcada polos momentos convulsos del momentu (Grecia nun combayaba bien colos sos vecinos turcos y búlgaros) polo que va centrase n’esplicar a la mocedá griego la hestoria del so país con un llinguax cenciellu y emplegando la llingua popular frente a la culta y normalizada. Con una vida de culiebrón (casada por apaños comerciales de so pá, un amante col que nun pudo fuxir, dellos intentos de suicidiu, una parálisis de les estremidaes inferiores que la obligó a emplegar siella ruedes…) finó n’abril de 1941 tomándose una dosis lletal de velenu, xustu el mesmu día qu’entraben les tropes alemanes n’Atenes.

 

     Nel intre la moneda apaez el bustu de la homenaxeada. Alredor, el so nome y los años de nacencia y muerte ΠΗΝΕΛΟΠΗ ΔΕΛΤΑ 1874-1941 col nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena). A dambos llaos del bustu, la marca la ceca y l’añu d’acuñación 2024.

 

     Nel aniellu esterior, les doce estrelles de la Xunión europea.

 

     Fontes: Wikipedia. Penélope Delta (castellán)

                  Numismática visual (castellán)