2023: L’andolina

Semeya: coindatabase

 

Motivu conmemorativu: L’andolina, animal nacional d’Estonia

Volume d’emisión: 1.000.000         Fecha d’emisión: 13 mayu

 

     Si primero foi’l llobu, agora tóca-y a l’andolina ser la protagonista como emblema nacional. Siempres presente na cultura del país, garró puxu tres les manifestaciones pacífiques de les tres Repúbliques báltiques pola so independencia de la d’aquella ya desaniciada Xunión Soviética. Los países bálticos salieron a les casi colos sos paxeyos tradicionales y canciando y danzando temes de la so cultura, identificándose n’aquellos momentos cola andolina y l’acianu. Per otru llau, esiste nel país un esmolecimientu pola baxa natalidá d’estes aves, hasta’l puntu de qu’hai programes ya información pública pa que los ciudadanos sepian que facer pa facilitar la reproducción con ésitu de la especie.

 

     Nel intre la moneda apaez una andolina esnalando y una parexa encolingá nun cable. Allendando’l grabáu, apaez el so nome científicu HIRUNDO RUSTICA, el nome del país emisor EESTI y l’añu emisión 2023. El diseñu ye obra del diseñador  Kaupo Kangro, ganador d’un concursu públicu sofitáu pol Bancu d’Estonia.

     Nel aniellu esterior, les doce estrelles de la Xunión europea.

 

     Fonte: Numismático visual (castellán)

                 Colemone: 2 euros Estonia 2023 (castellán)