2021: Durero

 

Semeya: colectorcoin

Motivu conmemorativu: 550 Aniversariu del nacimientu d’Albrecht Dürer 

Tirada: 54.000           Fecha d’emisión: 27 d’agostu

     Albrecht Dürer, Albertu Durero pa nos​ (1471-1528), pintor, grabador y escritor de teoría del arte. Ye l’artista más conocíu de to’l Renacimientu alemán. Conxugó la tradición pictórica xermano-flamenca cola innovación clasicista italiana. Neñu prodixu, la so primer gran obra fízola a los 13 años, un auturretratu a punta de plata, téunica que nun almite correiciones, dafechu, el so primer mayestru foi so pá, orfebre en Nüremberg. Celosu del so llabor, elli mesmu grababa los trabayos más llaboriosos (y más caros) mientres que dexaba los sos diseños más cenciellos en manes d’entallaores profesionales, que los grababen en maera pa lluéu producir copies a magüeyu. 

   Durero siempre marcaba les sos obres col so monograma, lo que-y permitió denunciar a un artista venecianu por plaxu (ye un de los primeros casos que se conoz no referente a los drechos de la proteición intelectual). 

 

    Nel intre la moneda apaez un detalle de la so pintura Virxe col Neñu y una pera. Alredor, el nome del país emisor SAN MARINO y el nomatu del homenaxeáu DÜRER xunto al so monograma; los años de la feméride 1471 y 2021 (que ye tamién l’añu acuñación) tan baxo’l grabáu. Xunto a la pera, les iniciales VdS del deiseñador Valerio de Seta. La marca de la ceca de Roma R apaez a manzorga.

     Nel aniellu esterior les doce estrelles de la Xunión europea.

 

     Fontes: Wikipedia. Durero

                  Numismática visual (castellán)

                  BCE. El euro (castellán)

                  Ufficio FilatelicoNumismatico San Marino (italianu)