2021: Pueblos ugrofineses

 

Semeya: coindatabase 

Motivu conmemorativu: Pueblos ugrofineses 

 

Volume d’emisión: 1.000.000         Fecha d’emisión: 16 de xunu

 

     Los pueblos ugrofineses son, cenciellamente toos aquellos que falen una llingua procedente del troncu ugrofinés o urálicu, que nun tién que ver col troncu indoeuropéu del que proceden la mayor parte de les llingües europées. Hai muncha griesca ente los lligüistes alredor del so orixe (ganen los Urales, Rusia) y si de verdá ugrofinés y urálicu ye lo mesmo. Pela mio parte, eso déxolo pa prau. Ente estos pueblos detaquen los húngaros, finlandeses, estonios, saamis (lapones) y morvinds (zona media del Volga, Siberia). La mayor parte de les llingües d’estos pueblos urálicos tan en pelligru de desaniciu (solo Hungría, Finlandia y Estonia son estaos independientes, el restu pueblos tan soxulgaos a otros dominantes como Rusia, Noruega, Suecia o la mesma Finlandia. El casu de Laponia ye un bon exemplu). 

   

 

     Nel intre la moneda apaez una serie de debuxos rupestres asitiaos nel llagu Äänisjärv. La figura principal ye un ave acuática, animal avenceyáu a los pueblos ugrofineses dende antanu. Xuntu a elli apaecen un cazador, un alce y el sol, conformando lo que pa estos pueblos yera’l ciclu la vida. Estos grabaos son Patrimoniu de la UNESCO.  Allendando’l grabáu, apaez el nome del país emisor EESTI y l’añu emisión 2021 cola lleenda FENNO-UGRIA. El diseñu ye obra de los artistes Al Paldrok y Madis Põldsaar, ganadores d’un concursu públicu sofitáu pol Bancu d’Estonia. 

 

     Nel aniellu esterior, les doce estrelles de la Xunión europea. 

 

     Fonte: Numismático visual (castellán) 

                 Wikipedia: Llingües ugrofineses