2020: Descubrimientu de l’Antártida

 

Semeya: collectorcoins

Motivu conmemorativu: II Centenariu del descubrimientu de l’Antártida

Volume d’emisión: 750.000         Fecha d’emisión: 27 xineru

 

     1819, 1820… Según pa quién, nún d’estos dos años foi descubiertu’l continente de xelu. Como decía’l chiste, yeren un inglés, un rusu y un americanu que se disputaben la gloria d’esti fechu. Bono, pue pa los estonios l’héroe foi l’oficial de l’armada imperial rusa Fabian Gottlieb Benjamin von Bellingshausen, que pa eso nació na islla de Saaremaa, Estonia, anque pa elli sedría la islla d’Ösel ya que realmente von Bellingshausen provenía d’una familia alemana del Bálticu. En 1819 comandó una expedición al Polu Sur por orde del zar Xandru I a bordu del buque Vostok y la compañía de la corbeta Mirni. El 27 xineru de 1820 avista tierres continentales antártiques, polo que foi consideráu como’l descubridor del nuevu continente. La so expedición duró tres años nos que circunnavegó tola Antártida.

 

     Nel intre la moneda aparez el buque Vostok arrodiáu pol nome del comandante Fabian Gottlieb von Bellingshausen. Al so llau, el nome del país emisor EESTI y l’añu d’acuñación 2020. Baxo’l barcu aparez la lleenda ANTARTIKA 200 (pol bicentenariu). El diseñu ye obra de Tiiu Pirsko y Mati Veermets.

     Nel aniellu esterior, les doce estrelles de la Xunión europea.

     Fonte: Numismático visual (castellán)

                 Wikipedia. Fabian von Bellingshausen (castellán)

                                    Historia de l’Antártida

                 Diariu Oficial de la XE a traviés d’Eurocoin (castellán)