2018: Simone Veil

Motivu conmemorativu: Simone Veil

Volume d’emisión: 15.000.000         Fecha d’emisión: Mayu

     Simone Annie Jacob (1927-2017). D’orixe xudíu, foi deportada al campu de concentración d’Auschwitz en 1944. Una vez lliberada, tornó a Francia pa estudiar Drechu y Ciencies polítiques, períodu nel que conoció al so maríu Antoine Veil, del que garró l’apellíu. Ente 1974 y 1979 foi ministra de Salú, Seguridá Social y Familia, onde aprovó delles lleis adelantaes al so tiempu como la llibertá d’accesu a los anticonceutivos en 1974 y la llegalización del albuertu en 1975 (conocía col nome de Llei Veil) recibiendo crítiques dende la Ilesia Católica y delles asociaciones de rabinos xudíos. Preside’l Parllamentu européu dende 1979 hasta 1982. Nel 2005 tornó a Auschwitz nel 60 aniversariu de la so lliberación, onde fexo un diacursu n’alcordanza de los fallecíos y escontra les barbaries de les guerres; esi mesmu añu ye galardonada col Premiu Príncipe d’Asturies de Cooperación Internacional. Muerre nel 2017, los sos restos inhúmense nel 2018 nel Panteón Nacional de París.

     Nel intre la moneda aparez el bustu de la homenaxeada col so nome a manzorga SIMONE VEIL y colos sos años de nacencia y defunción 1927-2017. Les grades qu’aparecen tres d’ella representen al Parllamentu européu. Nel cuellu la so camisa aparez un númberu: 78651, que ye’l que-y punxeron nel campu de concentración d’ Auschwitz. Nel centru les grades aparecen les sigles del país emisor RF y l’añu acuñación 2018; so ello aparez l’añu 1975, añu de l’aprobación de la llei Veil y les marques de la ceca, el so direutor y la del diseñador Joaquin Jimenez.

     Nel aniellu esterior, les doce estrelles de la Xunión europea.

     Fonte: Wikipedia. Simone Veil