2018: Común de les 3 Repúbliques Báltiques

Semeya: Collectorcoins

Motivu conmemorativu: Centenariu de la creación de les tres Repúbliques Báltiques. Estonia

Volume d’emisión: 500.000         Fecha d’emisión: 31 de xineru

     1918 foi l’añu nel que Estonia, Letonia y Lituania algamaron la so independencia del antanu Imperiu rusu, al que pertenecíen dende’l sieglu XVIII tres la so anexón por parte del zar Pedru I, de nomatu El Grande. Bono, realmente finaron independizándose d’Alemaña, ya que nel casu de Lituania, ésta foi ocupada polos xermanos en 1915, en plena I Guerra Mundial y, nel casu de les otres dos repúbliques, pasaron a poder xermanu cedíes pol tratáu Brest-Litovsk, robláu en 1918 ente Alemaña y la nueva Rusia Soviética y que ponía fin a la guerra nel frente oriental.

     Magar que coinciden nel añu, nun coinciden nin en fecha nin en circunstancia. Nel casu estoniu, la so independencia la declara’l 24 febreru, díes enantes de la robla del tratáu xermanu-soviéticu, pero tién que bregar colos nuevos amos hasta la fin de la guerra. Estonia tuvo que facer una segunda declaración d’independencia en 1920, tres una engardiella colos nuevos vecinos, la ya Xunión Soviética.

     Pa conmemorar esti fechu, les tres repúbliques decidieron sacar una moneda conxunta, d’igual diseñu, pero dixebraes poles marques propies de cada país; la ceca encargada d’acuñar pa los tres países foi la de Kremnica, Lituania. El diseñu de la moneda foi aprobáu polos tres Bancos Nacionales respeutivos, tres la escoyeta ente dellos diseños a traviés de votación popular. El diseñu ganador ye obra del lituanu Justas Petrulis.

    Nel intre la moneda aparez una trenza, o tueru entellazáu, de tres cañes que simboliza la xuntanza histórica de les tres repúbliques. No cimero aparecen los sos respeutivos escudos (según les aguyes del reló, Lituania, Letonia y Estonia). A manzorga, el nome del país emisor EESTI y a mandrecha, l’añu emisión 2018.

     Nel aniellu esterior, les doce estrelles de la Xunión europea.

     Les otres dos monedes: Letonia y Lituania

Fontes: Numismaticodigital (castellán)

             Verne. El País (castellán)