Motivu conmemorativu: 25 Aniversariu de la Constitución
d’Andorra
Volume d’emisión:
75.000 Fecha
d’emisión: 13 marzu
La Constitución d’Andorra ye la llei fundamental del Principáu
d’Andorra. Foi aprobada el 2 de febreru de 1993 y recibió’l sofitu del pueblu
andorrán mediante referéndum el día 14 de marzu de 1993. D’alcuerdu cola mesma
Constitución, entró en vigor el mesmu día de la so publicación nel Boletín
Oficial del Principáu d’Andorra, oseya, el 28 d’abril de 1993. Foi roblada
polos dos copríncipes d’Andorra nel momentu, el presidente de la República
francesa François Mitterrand y l’obispu d’Urgell Joan Martí Alanis. La nueva
Constitución indica qu’estos dos cargos ostenten la figura de Xefe d’Estáu. El xefe
del poder executivu pasa a ser el Xefe del Gobiernu d’Andorra.
La Constitución andorrana dixébrase’n nueve Títulos, dos Disposiciones
adicionales, tres transitories, una derogatoria y una final.
Nel intre aparez el Monumentu a los homes y muyeres d’Andorra
que quixeron la Constitución, asitiáu na plaza del Consell General
(Parllamentu). A mandrecha aparez el mapa del país col llema institucional
nacional VIRTVS VNITA FORTIOR (la virtú xunida ye más fuerte). Alredor del
diseñu aparez la lleenda 25è
ANIVERSARI DE LA CONSTITUCIÓ 1993-2018 y el nome del país emisor ANDORRA.
Nel aniellu
esterior, les doce estrelles de la Xunión europea.
Fontes: Wikipedia. Constitución d'Andorra (castellán)
Eurocoinland (Castellán)
No hay comentarios:
Publicar un comentario