Motivu conmemorativu: 25u Aniversariu de la Radio
y la Televisión del Principáu d’Andorra
Volume d’emisión: 85.000 pieces Fecha
d’emisión: Avientu
La primer radio qu’esistió nel Principáu
foi Radio Andorra, una emisora d’onda media fundada en 1939 pol francés Jacques
Trémoulet y abierta hasta 1981. Gracies a la neutralidá andorrana durante la
Segunda Guerra Mundial, foi la única radio privada en francés que tresmitió
ensin tar controlada nin por Francia nin por Alemaña, popularizando la so
identificación “Equí Radio Andorra”.
En 1961 les autoridaes andorranes
otorgaron dos concesiones de radio. Los sos beneficiarios foron Francia, a
traviés de la empresa pública SOFIRAD (Sud Radio); y España, a traviés de la
tamién pública EIRASA, que cedió los drechos d’esplotación a Jacques Trémoulet
durante veinte años (Radio Andorra). Esta situación caltúvose hasta’l 26 de
marzu de 1981, cuando’l Conseyu Xeneral de los Valles nun renovó nenguna de les
dos llicencies cola idega de nacionalizar la radiodifusión en cuantu fore
posible. SOFIRAD privatizose y la so emisora foi trasladada a Toulouse. Radio
Andorra, pela so parte, dexó de ser esplotada polos herederos de Trémoulet y
pol estáu español, lo que provocó el so desaniciu.
El primer intentu por conformar una
radiodifusión pública andorrana aconteció en 1983 col nacimientu de la Entidá
Nacional Andorrana de Radiodifusión (ENAR).
El 12 d’ochobre de 1989, el Consyu Xeneral
andorrán creó l’Organismu de Radio y Televisión d’Andorra (ORTA), La so primer
emisora Ràdio Nacional d'Andorra (RNA) entamó a emitir en prebes l’8 setiembre
de 1990, faciéndose ya regularmente a partir del 1u de xineru de
1991. Tola so programación serdía en catalán, l’idioma oficial del país
pirenaicu.
Nel casu la televisión, fixéronse prebes
ente 1991 y 1992 y púnxose’n marcha n’avientu de 1995, primeru a traviés de la
frecuencia del canal 33 de Cataluña hasta algamar el so propiu canal.
Col 2000 desaparez la ORTA y aparez la
RTVA, SA, Ràdio i Televisió d'Andorra, de titulación pública y el Conseyu
Audiovisual Andorrán pala so xestión.
Nel intre
la moneda, aparez un micrófonu y una antena arrodiaos pola lleenda 25è
ANIVERSARI DE RÀDIO I TELEVISIÓ D’ANDORRA, l’añu d’emisión 2016 y el nome del
estáu emisor ANDORRA.
Nel aniellu
esterior, les doce estrelles de la Xunión Europea.
No hay comentarios:
Publicar un comentario