Motivu conmemorativu: 1150u Aniversariu de la
misión de Constantín y Metodiu a la Gran Moravia
Tirada: 1.000.000 Fecha
d’emisión: 5 xunetu
Los hermanos tesalonicenses Cirilu (o
Constantín 827-869) y Metodiu (815-885) son conocíos como los Apóstoles de los eslavos. Nel añu 862
foron invitáos pol Príncipe Ratislav I pa difundir el cristianismu, en llingua
eslava, pola Gran Moravia, lo que fixeron hasta la muerte. Pa llevar a cabu la
so misión, y gracies a los conocimientos de la llingua eslava que teníen (so má
yera búlgara), desarrollaron la escritura glagolítica, cola que tornaron les
Sagráes Escritures al antíguu eslavu. El Papa Xuan Pablo II elevolos a la
categoría de Patronos d’Europa en
1980. Na República Checa y Eslovaquia ye fiesta nacional el Día de San Cirilu y
San Metodiu, el 5 xunetu, fecha na que se cree que llegaron a la Gran Moravia.
Xenerose una gran polémica con esta moneda
pola aparición de símbolos relixosos, como’l nimbu de los santos y les cruces
llatines na estola Metodiu; la Comisión Europea quixo quitar estes referencies
cristianes pol principiu de neutralidá relixosa de la XE, pero la presión
mediática eslovaca féxolos desistir.
Nel intre
la moneda aparecen los hermanos a los llaos de la doble cruz
enriba tres montes (escudu d’Eslovaquia). La cruz ye portada como báculu
obispal, vinculando asina los símbolos del estáu y la cristiandá y ponderando
la misión de los hermanos, que contribuyó a garantizar la plena soberanía y
llexitimidá de la Gran Moravia, primer estáu eslavu na Europa central. Tante lleva un llibru que representa la
educación y la fe, mentantu Metodiu aparez con una ilesia que simboliza la fe y
el cristianismu institucional; a mandrecha, la marca la ceca y a manzorga la
del diseñador, Miroslav Hric (mh). Alreor de too la lleenda KONŠTANTÍN METOD
SLOVENSKO-863-2013.
Nel aniellu
esterior les doce estrelles de la Xunión Europea.
No hay comentarios:
Publicar un comentario