Motivu conmemorativu: 10u Aniversariu de los billetes y monedes
d’euru.
Volume d’emisión n’Austria: 11.300.000 pieces Fecha d’emisión: 1u xineru
Volume d’emisión total: 84.085.000.000
El diseñu foi escoyíu polos ciudadanos de
la Xunión Europea mediante votación per internet ente cinco diseños y ye
creación de Helmut Andexlinger, de la Fábrica de Moneda d’Austria. La
moneda emitiéronla tolos países de la zona euru más Sanmarín.
Nel intre aparez el globu terráqueu col símbolu l’euru nel centru, dándo-y
un protagonismu mundial algamáu n’estos diez años y la importancia d’elli pa la
ciudadanía (representada por una familia de cuatro miembros), el mundiu les
finances (la Eurotorre de Francfort de Meno), el comerciu (un barcu), la
industria (una fábrica) y la enerxía, la investigación y el desarrollu (dos
molinos eólicos). Les iniciales del artista hai que buscales ente’l barcu y la
eurotorre (AH). Alredor del diseñu, la lleenda REPUBLIK ÖSTERREICH 2002-2012.
Nel aniellu
esterior, les doce estrelles de la Xunión Europea
Otros
países emisores: Alemaña, Bélxica, Eslovaquia, Eslovenia, España, Estonia, Finlandia,
Francia, Grecia, Irlanda/Eire, Italia, Luxemburgu, Malta, Países Baxos,
Portugal, Sanmarín y Xipre.
No hay comentarios:
Publicar un comentario