España (Reinu)

Enllaz: 2 euros conmemorativos españoles

     L’añu que va impresu nes monedes españoles ye l’añu acuñación, poro, les primeres monedes foron acuñáes nel 1999. La Ceca ye la de Madrid (RCM-FNMT, Real Casa de laMoneda-Fábrica Nacional de Moneda y Timbre); la so marca ye una M coronada. L’esquema emplegáu foi’l típicu 2-3-3. La identificación del país ye’l nome del mesmu en llíngua castellana, ESPAÑA

Primer Serie (1999-2014)

1, 2 y 5 céntimos   

     Les monedes d’1, 2 y 5 céntimos foron diseñaes por Garcilaso Rollán, diseñador de la FNMT y presenten la imaxe de la Sée Catedral de Santiago de Compostela, xoya del arte románicu español y ún de los llugares de peregrinación más famosos del mundu. Apréciense tamién la marca la ceca y l’añu d’acuñación; el conxuntu tá arrodiáu de les 12 estrelles de la XE, cincu d´elles baxurrelieve, polo que ya nun cumple una norma.

10, 20 y 50 céntimos   

     Les monedes de 10, 20 y 50 céntimos son diseñu de Begoña Castellanos y muestren la figura de Miguel de Cervantes, másimu esponente de la lliteratura castellana, como símbolu de la universalidá del home y la so obra, xuntu col so apellíu y un escarabayu asemeyando una robla. Apréciense tamién la marca la ceca y l’añu d’acuñación; el conxuntu tá arrodiáu de les 12 estrelles de la XE, cincu d´elles baxurrelieve, polo que ya nun cumple una norma.

1 y 2 euros

     Les monedes d’1 y 2€ reproducen la efixe del rei d’España, Juan Carlos I de Borbón y Borbón, y ye diseñu de Luis José Díaz.  Aparez  tamién la marca la ceca; el conxuntu tá arrodiáu de les 12 estrelles de la XE, cuatru d´elles baxurrelieve, polo que ya nun cumple una norma. A dambos dos llaos de la estrella de les seis en puntu aparez grabáu l’añu d’acuñación, poro, otra norma que nun cumple.

      El cantu la moneda 2 euros ye’l típicu col valor nominal ente estrelles:

 Primer igua (2010)

      Nel aspeutu xeneral de les monedes mantiense el diseñu orixinal (polo que nun se considera una nueva serie), namás se fain dellos retoques pa cumplir coles direutrices del Conseyu la Xunión. De manu, en toles monedes aparecen les doce estrelles de la XE tal y como aparecen na bandera, ensin nengún baxurrelieve y arrodiando tol grabáu.

     No que se refier al les monedes d’1 y 2 euros, muévese del sitiu primitivu l’añu d’acuñación, asitiándose nel intre la moneda. La marca de ceca cambia de sitiu y el nome’l país camuda’l tamañu la lletra p’afayala al nuevu espaciu, faciendo desaparecer tamién la banda que –y daba fondu. Les nueves acuñaciones entamaron a circular el primeru de xunu.

Segunda serie (2015- )

     Cola abdicación del rei Juan Carlos en favor del so fiu Felipe, aparez una nueva serie de monedes. Realmente el cambiu va centrase namás que na cara nacional de les monedes d’1 y 2 euros, esto ye les que lleven dafechu la efixe’l monarca.



Enllaz: 2 euros conmemorativos españoles