2025: Serie Patrimoniu de la Humanidá: Salamanca

 

Semeya: collectorcoins

Motivu conmemorativu: Patrimoniu de la Humanidá. Cascu vieyu de Salamanca

Tirada: 2.000.000           Fecha d’emisión: 10 de marzu

 

     Bayura d’ayalgues arquiteutóniques apegúñense nel cascu vieyu de la ciudá de Salamanca. Bien perconocía pola so identidá universitaria, pue tamién presumir de caltener na menos que dos catedrales al solapar la nueva d’estilu góticu cola vieya d’estilu renacentista (lo más normal yera esbarrumbar la vieya pa facer la nueva). Foi declarada Patrimoniu de la Humanidá nel añu 1988.

     El conventu dominicu de San Esteban tuvo la gran suerte de nutrise d’una bayura ricos benefactores que fixeren d’esti gran templu un referente arquiteutónicu de la ciudá, sobremanera del peculiar estilu platerescu salmantín. Tamién foi un bon ñeru de profesores universitarios y teólogos de reconocencia internacional, lo que lu fai un reconocíu referente nel mundiu universitariu.

     Franciscu de Vitoria (1483-1546) fraile eruditu dominicu, filósofu, teólogu y xurista al que se-y atribúi el nacimientu del Drechu Internacional. Elli defendió ante la corte castellana, el drechu de los indíxenes americanos a ser trataos como súbditos, n’igualdá de condiciones que los peninsulares.

 

     Nel intre la moneda apaez la fachada del conventu de San Esteban tres la estatua de Franciscu de Vitoria. Riba, la lleenda SALAMANCA cola marca de la ceca. Debaxo, el nome del país emisor ESPAÑA y l’añu acuñación 2025.

     Nel aniellu esterior les doce estrelles de la Xunión europea.

 

Fontes:

     Wikipedia: Salamanca. Conventu de San Esteban. Francisco de Vitoria 

     Numismática Visual