 |
|
Semeya: collectorcoins |
Motivu conmemorativu: Centenariu del nacimientu del artista Miki Muster
Volume d’emisión: 1.000.000 Fecha d’emisión: 26 de payares
Falar de Nikoaj Muster (1925-2018) de nomatu Miki, ye falar del artífice de l’animación n’Eslovenia. De guaḥe descubrió los debuxos animaos nel cine a traviés d’un curtiumetrax, anque la so decisión definitiva de dedicase a la animación de debuxos víno-y tres ver el llargumetrax Blancanieves de Disney. Como elli, centrose na caricaturización y humanización d’animales pa desarrollar los sos personaxes. Al nun esistir estudios d’animación, optó por estudiar escultura n’Academia del Arte de la Universidá de Lubljana. Ente 1952 y 1973, Miki trabayó como illustraor y carcaturista en dellos periódicos eslovenos, asina como pa la televisión, realizando una bona cantidá d’anuncies. Ensin embargu, la so fama ente la población –y vino de la man de los sos personaxes animaos más famosos, l’astutu raposu Zvitorepec, la intelixente tortuga Trdonja y el siempres afamiáu llobu Lakotnik. Les sos historietes selmanales yeren esperaes con impaciencia polos rapacinos eslovenos. En 1973 la so fascinación polos debuxos animaos llevólu a Múnich, onde conoció a Guillermu Mordillo, creando la conocida serie nomada Mordillo.
Güei Muster ta consideráu como’l pioneru de les historietes eslovenes y ún de los autores d’historietes y debuxos animados más esitosos tanto n’Eslovenia, como en toa Europa.
Nel intre la moneda apaecen los tres populares personaxes de Miki, Zvitorepec, Trdonja y Lakotnik. Alredor, la lleenda 1925 MIKI MUSTER. Debaxo, l’añu emisión y el nome del país emisor 2025 SLOVENIJA. El diseñu ye obra de Robert Žvokelj y foi acuñada na Imprensa Nacional Casa da Moeda SA, Portugal.
Nel aniellu esterior, les doce estrelles de la Xunión europea.
Fontes: Wikipedia: Miki Muster (castellán)
Numismática visual (castellán)
No hay comentarios:
Publicar un comentario